"Amara Last Wish Poora ho Gaya!" (Poem)

Dated: 21 November 2007. Originally posted on Allpoetry.com, RC forums and Website.

Never again reached the level of play that I attained back then. These 570 words changed me a lot....*positive*. I have been writing (generally rubbish-non sense :D) since I was 12 years old & this poem is right up there among my best works.

*Poem written in Hindi-Parsi accent.*

Linda Kursiwala Goa mey rehti thi jinke pati kai saal pehle mar chuke thay unka sahara tha unka beta Victor Kursiwala. Par 6 mahine pehle hi Victor bhi achanak gayab ho gaya......koi kehta tha ki wo bhi mar gaya, koi kehta tha ki pagal ho gaya, koi kehta tha ki wo kisi aur jagah reh raha hai.....logo ki baatein khatm nahi hoti thi.....par Linda Kursiwala jinhe sab Linda Aunty kay naam se jaante hai jis kisi se bhi milti thi usko bas yahi kahani sunati thi.

Aye hai uska Photo,
Amara Victor jidhar ko bhi chalta,
Girls pagalo ki maafik usko dekhne ko nikalta.
Handsome, joshila ni dimaag se thoda sa sick,
Ditto uske pappa ki maafik.

Childhood se hi tha O sayana,
Pappa ki death kay baad se,
Har zimmedari ko usne khud hi sambhala.
Amara chhota bakery ko saara din deta,
Bacha hua time mey colony mey Tutions leta.

Amare ko karta itna pyaar,
Roz itna saara kiss leta aur kehta,
"Utar raha hun aapke diye pyaar ka udhaar."

Peechla Christmas mayne usse itna rooka par,
Tab ko bhi bada restaurant mey amara saath kiya O Dinner.

May poocha ->

"Tere ko girlfriend nahi hai kya ?
ya tere ke dimaag mey bhar gaya hai gobar."

O Bola ->

"Jab sabse beautiful aurat humare saath hai,
tab Goa ki saari ladkiyaan gayi hai mere liye mar."

Dheekra, Naa jaane kab thakta,
Itna saara saal Late night tak kuch naa kuch likhta.
Usme koi jaadu tha,
uska prose aur poetry par to saara locals fida tha.

1 baar usne apne saare notes aur work ko 1 publisher ko diya,
Unko padhkar publisher uss sab ko print kar Victor ko bahut paisa dene ka promise kiya.

Victor O day khushi se bola,
"Ab saari mushkilein door ho jaayengi,
Aapko har wo cheez milegi jo aap chahengi."

Usko tease karne kay vaaste may bola,
"Amara wish list bahut lamba hai tum nahi jaanta,
Abhi kay liye amko Gao mey bada sa mansion maangta."

O bola,

"Bas, jaan bhi de deta agar aap wo bhi.....'maangta'."

1 din O bahut upset hokar ghar aaya,
Apna saath bahut books laaya.
About dozen books amko thama diya,
Rotay huey bola...uske saalo kay work par kisi aur nay fame aur profit kama liya.

Apna head pakadkar O idhar-udhar bhaga,
Itna helpless maine kabhi nahi dekha apna Baba.
Printing Mistake hoega bolke usse console kiya,
Phir publisher se baat karne kay vaaste chala gaya.

Tabi se six month honay ko aaya,
Abi tak O waapas nahi aaya.
O faaltu ka pain liya,
Am to jaanta hai saara mehnat usne kiya.
O dheekra itna bhi nahi jaanta,
USKA MAMA KO KOI WISH NAHI BAS APNA VICTOR WAAPAS MAANGTA!!
Mayra last wish mere ko do dila,
Amare son se amko do mila.

Bete ki waapsi ki raah dekhti Linda Kursiwala ki maansik haalat bigadti gayi aur aakhirkar unhe sarkari maansik aspatal mey bharti karvaya gaya. Unhe Ward Number 14 mey jagah di gayi aur sanyog se unki 'last wish' poori ho gayi kyoki Ward Number 13 unka beta Victor bharti tha. Ye dono wards lohay ki jaali se vibhajit thay. Aaj bhi Maa Bete jaali se chipak kar har waqt Ek doosre se baat karte rehte hai......aur jo koi bhi inn wards kay paas unn dono ki baatein sunkar thodi dair thithak jaata hai wo apne aansu rook nahi paata hai.

- Mohit Sharma (Trendy Baba)