Sukda Abs

Gamraj - Kitna, neeche gaya?


Shankalu - Guru....10kg aur ghat gaya!

Gamraj - Meri, Share Market ki body ka aaj tak profit toh huya nahi..Comics ke abhav mein wajan 20kg hi reh gaya hai...Papa Jee, isse accha mujhe 'Lijjat Papad' hi bana dijiye..Khud ko khaa toh sakunga!

Shankalu - Guru, mujhe ab pata chala Yamunda tumhari taraf itna ghurta kyun hai..Isse accha toh tum apne liye ek, Striped Kaccha maang lo. Socho, Basti mein kabhi kisi ne do Kacchadhari Character nahi dekhe honge. Hum...Kacchadhari Brothers ki dhaak jam jaayegi...Phir, kuch samay ke baad hum Yamunda ko bhi Tambu se ek Kaccha sil denge. Basti, mein 'Kaale Kacchadhari Trio' ki dahshat phail jaayegi...Zara, socho Guru.

Gamraj - Nangalu....Ahm! Shankalu yeh sab tab theek tha jub humare General Issues nikalte the. Mujhe, phir se waapis aane ke liye kuch chahiye...Jaise, Doga Artwork mein dabe hokar bhi ab tak ventilator se chal raha hai.

Shankalu - Guru, main potty kar ke aaya. Zara, rukna!

Shankalu, 1 ghante baad aaya.

Shankalu - Guru, maine Bathroom mein jaa kar yeh research kar li hai ki tum mein woh kya nahi hai jo, Dropped Heroes tak mein hai...Yahan, tak ki Shakti mein bhi hai!

Gamraj - Copied Character hona?

Shankalu - Nahi, Guru...Abs..Ab, dekho jab Tiranga apni Comic ke Climax mein Jabkatre ya Chenchor bane Bhikhari ki chehre se mask utarta hai toh woh log uski Abs, dekh kar hi apni payment latka dete hain...Gurur, isiliye toh Tiranga ab tak chalta raha..Guru, main to kehta hun iss baar Lion Gym se accha tum yahin mere, 'Tuhada Surkhi Laal Kaccha Gym' mein training shuru kar do..Lo, Guru main Doga ki purani Comics ka Narration bhi shuru kar deta hun.

Aur, Narration shuru huya.

Shankalu - Apni, dincharya permanent rakhne ke liye Doga ne pehli Push-Up maarna shuru kiya.

Gamraj, Push-Up position mein aa gaya.

Shankalu - Doga, aadhe distance mein hi pahuncha tha ki uske munh se bhayankar awaz nikli, 'HUMF'.

Gamraj - HUMRAAAAAAAAAAAAAAAAAAAAAAA............

Shankalu - Arey, nahi Guru tum toh Antakshari khelne lagey.

Gamraj - Bade Vaaman, tu meri peeth par chal raha hai.

Shankalu - Sorry, Guru woh Doga ki comic padh kar mere andar ka He-Man jaag jaata hai...Tum, Continue karo...HUMF ko dobara dohrayo.

Gamraj - HUMKAAAAAAAAAAAAAAAAAAAAAA............Yamunda, ne kaat liya!

Shankalu - Guru, ghabrayo mat Rabies ke injection nahi lagwane padenge...Woh, kutte jaise Doga ke paas aate hain...Toh, effect dene ke liye Yamunda ko maine hi bola tha..Aahista kaatna tha, Saand!

Gamraj - Chele, tu toh mera Raag Peeda - Padi baja raha hai. Yeh, sab mujh se nahi hoga...Aur, dekho mujhe toh paseena bhi aa gaya..Mere, andar ek ajab sa kampan ho raha hai.

Shankalu - Guru, woh toh jo tum apni Comic band hone ke baad afeem leni shuru kar di thi. Woh, kampan ussi ke khatam hone ka nateeja hai. Guru, aisa karo phir se apne kapdon mein rui bhar lo.

Gamraj - Aur, Abs?

Shankalu - Guru, itney kum samay mein Abs toh Spray - Paint kar ke hi mil sakte hain..Picchle hi hafte, Basanti ne taaza - taaza gobar diya tha..Maine, ussi se Spray - Paint bana liya tha. Aur, kaamchuran, kajal, hair blackner jaise aur product bhi. Socha, tha Super Heroes ko bech kar unki Comics ka satyanash karunga. Par, jo Artwork kar raha hai, uske liye hum apna Fresh Gobar kyun barbad karein. Global Warming ko kum karne ke liye, Kurla Basti hi toh sab kuch kar rahi hai.

Shankalu ki ghanton ki ba mashakkat ke baad, spray - paint dwara Abs bana diye gaye. Aur, Gamraj ne apne shirt aur pant mein rui bhar kar taiyari kar li.

Shankalu - Bhainson aur Purple prajati ke Bhainson...pesh hai..Weighing ina 20.5 Kg..One - Half of The Kacchadhari Brothers Duo...Kurla ke Tabelon ka Rambo..Balra...Gamraj..Please Khur maarein!

Tabhi, Yamunda ne Slumdog waala scene kar diya.

Shankalu - Lo, Guru tumhari Abs ka Yamunda ne udghatan kar diya.

Gamraj - Shankalu, hume meri return ko aur meri Abs development ko highlight karne ke liye ek function rakhna chahiye.

Shankalu - Sahi, baat hai Guru!...Main abhi WTS fame Lalit Jee se tumhare Promotional Artwork ki baat karta hun.

Gamraj - Yaar, main toh pehle hi single pasli hun...Lalit Jee ne draw kar diya toh mere toh baal bhi nahi bachenge!

Shankalu - Toh, Guru Dhruva ki Comics waale Artist kaise rahenge?

Gamraj - Hahahahahahahahaha................Shankalu, tune toh meri Spray - Painted Abs ke bhi ansu nikaal diye.

Shankalu - Chalo, Guru Artwork chodo. Hum, event organise karte hain...Par, Doga ko mat bulana Guru, kahin pichli baar ki tarah tumhari rui na nikaal de.

Event Organise ho gaya aur sab Super Heroes aane lage. Gamraj aur Shankalu sabhi Heroes ko receive karne khade ho gaye.

Shankalu - Guru, Fighter Toads aa gaye!

Gamraj - Dafa, ho jaayo yahan se..Kahin, mere Yamraj Papa ko hi apna naya Toad Dev na bana lo...Yahan, par koi bhola - bhola nahi hai..Par, agar na nikle toh meri gazab ki Abs tumhe laat maar kar nikalengi.

Fighter Toads - Jaate hain...Hum toh tumhe tumhari Comics ke girte prabhav ke kaaran Adopt karne aaye the...Par, yeh jo 6 naye type ke macchar apni chaati par laga kar ghum rahe ho..Usse zada badhiya macchar, Nagraj ke paas hain. Hunh!

Shankalu - Guru, tumhari Abs ko macchar bol gaye...Khush, ho jaayo Guru main toh ek hi jhatke mein sabse badhiya Absartist ban gaya....Chalo, Next!

Parirakshak Bhokal - Aa Gu N Gu Bulap Ab Gat Ak Bha..........

Gamraj - Lagta hai, apne lagataar failures' se tumhe shock lag gaya hai. Jaayo, andar langar khaa lena.

Shankalu - Guru, aise toh poori raat guzar jaayegi..Phir, Abs kisse dikhaoge..Tum, Punjabi gaana lagwa do...Aane waale Heroes aate rahenge..Hum, apna event shuru kartey hain...Aur, Harpal tu shuru hoja.

'Daaru pini...Murge khaane...Shaunk Awale Ne...Jaatan De Putt Abs ugana...Chahunde kalle ne....Haye...Abs, ugande kallam - kalle ne...Evein kisi di majal joh enhan vall nazar laga je kalle hoye.....Assi, taan Abs de upar bitha ke macchar challe ne...Haye...Oye, sun Doge Oye.....'

Shankalu - Present Heroes aur Dropped Heroes, pesh hain mere Guru, Gamraj..Taadiyan.

Gamraj ne aa kar apni muscles aur abs ki pardarshani shuru kar di..Gamraj, Flex karta gaya aur Super Heroes Bowled hote gaye. Pandrah minute baad Gamraj ne break li.

Shankalu - Toh, kya khyaal hai aap logon ka.

Koi, kuch nahi bola! Tiranga sabsey pehle utha aur stage ke upar aa kar Gamraj ke pair chu liye.

Tiranga - Bolo, Pappe Gamraj Di.........

Heroes - Abs!

Tiranga - Aur, zor se!

Heroes - Tune, bulaya Abs vaaleya...Main taan Nagraj da sapp gale ch paaleya....Hai, kaun hai Abs da Artist Laaleya....Assi, taan Dhruva da Filter tere charanan ch paa leya...Saanu, tu Abs da daan de Jhuley Vaaleya.....Assi, Doga Da Aritst change karwa leya...Hoye.

Shankalu - Aur, zor se...Sab log chadawa bhi daalte jaayo...Yahan, Basanti ke saamne chadawa daal do...Tumhe, manchahi Abs prapat hongi!

Tiranga - Pappe Gamraj, main sabhi Dropped Heroes ki taraf se request karta hun ki hume apna Side - Character bana lein!

Nagraj - Haan, main bhi Side - Character banunga.

Dhruva - Main bhi...Par, ek baar phir se apne Abs Flex kar dijiye. Main, Parmanu ko apney liye notes likhwana bhul gaya tha.

Gamraj, ne Abs ki Flex shuru ki. Stage, ke peeche Yamunda ne apni Comics band hone ke baad joh apna System rok kar rakha tha , woh usse Clear karne mein lag gaya. Paanch minute mein hi Yamunda ki Gobar ki sughandh har jagah phail gayi.

Nagraj - Arey, Gamraj ke Abs ke paseene ki smell se Dhruva behosh ho gaya.

Shankalu - Guru, ruk jaayo! Controversy shuru hone waali hai.

Parmanu - Meri, toh naak mein Filter bhi nahi hai.

Shakti - Nirbhay ho jaayo! Main apni ushma se........Haing........Mujhe, koi zaroori kaam yaad aa gaya.

Nagraj - Sheetnagkumar, Saudangi, Nagu! Bahar aayo.

Sheetnagkumar - Sorry, Nagraj! Main, Constipation waale environment mein bahar nahi aata.

Nagu - Mujhe, kyun bula raha hai...Apney, Dangi aur 'Kumar Gaurav' ko hi bula! Waise, bhi tumhe toh Nagfani Sarp samay - samay par shaktiyaan dete rehte hain...Ab, unhi se maangiyo!

Parmanu - Anthony, tumhi kuch karo...Iss, Abs ke paseene ki smell se garmi badh rahi hai!

Anthony - Thehro! Main apni Thandi Aag se Gamraj ki Abs theek karta hun.

Anthony, ne apni zulfon ko hata kar ek bada hi sateek waar kiya.

Shankalu - Guru, utho tumhari Abs waala Spray - Paint toh utar gaya!

Tiranga - Hain! Lagta hai Pappe Gamraj ki Abs ko Peeliya ho gaya hai...Suna hai, yeh chune se phailta hai...Sab, apni Abs bachao...Agar, yeh kisi ki Abs ko lag gaya toh sab Comics mein zadatar time bathroom mein hi bitate nazar aayoge.

Anthony - Chal, aa Prince! Humari kabr mein toh Bathroom bhi nahi hai...Hum, apni Abs, bachayein!

Nagraj - Isiliye, Gamraj apni Abs chupane ke liye peeli shirt pehenta hai...Bhaago, sab!

5 minute mein poora function khaali ho gaya.

Shankalu - Guru utho! Ab, Abs toh nahi ban paaye...Abhi, bhi Kacchadhari Brothers waal idea hai.

Gamraj ka munh band ho gaya.